L022.175大圓滿禪定休息 c3.5s

༄༅། །རྫོགས་པ་ཆེན་པོ་བསམ་གཏན་ངལ་གསོ་ཞེས་བྱ་བ་བཞུགས།

རྒྱ་གར་སྐད་དུ། མ་ཧཱ་སནྡྷི་དྡྷྱ་ན་བི་ཤྲཱནྟ་ནཱ་མ། བོད་སྐད་དུ། རྫོགས་པ་ཆེན་པོ་བསམ་གཏན་ངལ་གསོ་ཞེས་བྱ་བ་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །གདོད་མའི་རང་བཞིན་མཁའ་མཉམ་དག་པའི་དབྱིངས། །ཆོས་མཆོག་མི་གཡོ་ཤིན་ཏུ་སྤྲོས་དང་བྲལ། །འོད་གསལ་སེམས་ཉིད་བྱང་ཆུབ་སྙིང་པོ་ལ། ། གཞི་རྫོགས་འཕོ་འགྱུར་མེད་པར་ཕྱག་འཚལ་ལོ།

以下是完整的直譯：大圓滿禪定休息在印度語中：（མ་ཧཱ་སནྡྷི་དྡྷྱ་ན་བི་ཤྲཱནྟ་ནཱ་མ，Mahāsandhidhyānaviśrānta-nāma，महासन्धिध्यानविश्रान्त नाम，大圓滿禪定休息，Ma ha san dhi dhya na bi shran ta na ma）在藏語中：大圓滿禪定休息向光明普賢頂禮。向原始自性如虛空般清凈的境界、殊勝法不動極其離戲論、光明心性菩提精髓、基圓滿無遷變頂禮。

།རྒྱལ་བའི་དགོངས་པ་ཤིན་ཏུ་རྨད་བྱུང་གང༌། །སོ་སོ་རང་རིག་ཡེ་ཤེས་རྟོགས་བྱའི་ཕྱིར། །རྒྱུད་ལུང་མན་ངག་སྙིང་པོའི་བཅུད་བསྡུས་ཏེ། །ཇི་ལྟར་ཉམས་སུ་བླངས་བཞིན་བཤད་ཀྱིས་ ཉོན། །རི་རྩེ་ནགས་ཁྲོད་མཚོ་གླིང་ལ་་སོགས་པ། །དུས་བཞི་ཡིད་དང་མཐུན་པའི་གནས་དག་ཏུ། །རྩེ་གཅིག་མི་གཡོ་ཞི་བའི་ཏིང་འཛིན་ནི། །འོད་གསལ་སྤྲོས་དང་བྲལ་བ་བསྒོམ་པར་བྱ། །གནས་དང་གང་ཟག་ཉམས་སུ་བླང་བྱའི་ ཆོས། །རྣམ་གསུམ་རང་བཞིན་དག་ལས་འགྲུབ་པར་འགྱུར། །དང་པོ་གནས་ ནི་དབེན་ཞིང་ཉམས་་དགའ་བར། །དུས་བཞིའི་རྣལ་འབྱོར་དག་དང་མཐུན་པ་སྟེ། །དབྱར་ནི་གངས་དང་རི་རྩེ་ལ་གསོལ་པར། །སྨྱུག་མ་འོད་མ་འཇག་ཁང་ལ་སོགས་པར། །བསིལ་སར་བསིལ་ཁང་ནང་དུ་བསྒོམ་པར་བྱ། །སྟོན་ནི་ནགས་ཁྲོད་རི་ངོགས་བྲག་རྫོང་སོགས། །བསིལ་དྲོད་སྙོམས་པའི་གནས་དང་ཁང་བུ་ རུ། །ཟས་གོས་སྤྱོད་ལམ་དེ་དང་མཐུན་པར་བྱ། །དགུན་ནི་ནགས་ཁྲོད་བྲག་ཕུག་ས་ཁུང་སོགས། །དམའ་བའི་གནས་དག་དྲོ་བའི་ས་ཕྱོགས་་སུ། །ཟས་གོས་མལ་ཆ་ལ་སོགས་རྗེས་མཐུན་བྱ། །དཔྱིད་ནི་རི་དང་ནགས་འདབ་མཚོ་གླིང་དང༌། ། བསིལ་དྲོད་སྙོམས་པར་རྗེས་མཐུན་ཁང་པ་རུ། །ཟས་གོས་སྤྱོད་ལམ་མཐུན་པ་ཤིན་ཏུ་གཅེས། །ཕྱི་ནང་རྟེན་འབྲེལ་གཅིག་པས་དེ་ཡི་ཕྱིར། །ཡིད་འོང་དབེན་ལ་ཉམས་དགའི་གནས་ལ་བརྟེན། །རི་རྩེ་ཤེས་པ་དྭངས་ལ་རྒྱ་ཆེ་བས། །བྱིང་བ་གསེང་བའི་གནས་ཏེ་བསྐྱེད་རིམ་ཤིས། །གངས་ཁྲོད་ཏིང་འཛིན་གསལ་ཞིང་རིག་པ་དངས། །ལྷག་མཐོང་བསྒོམ་པའི་གནས་ཡིན་བར་ཆད་ཉུང༌། །ནགས་ཁྲོད་ཤེས་པ་གནས་ཤིང་སེམས་གནས་སྐྱེ། །ཞི་གནས་བསྒོམ་པའི་གནས་ཏེ་བདེ་ཤས་ཆེ། །བྲག་རིའི་དྲུང་ནི་མི་རྟག་སྐྱོ་ཤས་ཆེ། །དངས་ལ་བྱིན་ཆེ་ཞི་ལྷག་ཟུང་འབྲེལ་་འགྲུབ། །ཆུ་བོའི་འགྲམ་ནི་བློ་སྣ་ཐུང་བ་སྟེ། །ངེས་འབྱུང་འཕྲལ་ལ་གསར་དུ་སྐྱེ་བར་བྱེད། །དུར་ཁྲོད་བྱིན་ཆེ་དངོས་གྲུབ་མྱུར་བ་སྟེ། །བསྐྱེད་རྫོགས་གང་ལའང་མཆོག་ཏུ་ཤེས་པར་གསུངས། །གྲོང་དང་ཚོང་དུས་ཁང་སྟོང་ཤིང་གཅིག་སོགས། །མི་དང་མི་མིན་འབྱུང་པོ་རྒྱུ་བ་ནི། །ལས་དང་པོ་ལ་གཡེང་ཞིང་བར་དུ་གཅོད། །བརྟན་པ་རྣམས་ལ་གྲོགས་ཏེ་མཆོག་ཏུ་བསྔགས། །

以下是完整的直譯：佛陀的意趣極其稀有奇妙，爲了證悟各自自明的本智，彙集續部、教言、口訣的精華，我將如實修持般講解，請聽。在山頂、森林、湖島等處，四季宜人的地方，專注不動、寂靜的三摩地，應當修習光明離戲論。處所、修行者和所修之法，三者自性清凈而成就。首先，處所應寂靜且宜人，與四季瑜伽相應。夏季在雪山和山頂，竹屋、茅屋、木屋等，涼爽處或涼亭內修行。秋季在森林、山坡、巖洞等，溫涼適中的地方和小屋中，飲食衣著行為與之相應。冬季在森林、巖洞、地洞等，低窪溫暖的地方，飲食衣著臥具等相應。春季在山上、林邊、湖島，溫涼適中的相應房屋中，飲食衣著行為相應極為重要。因為內外緣起一致，所以依靠悅意寂靜宜人之處。山頂使心清明廣大，是提振昏沉之處，適合生起次第。雪山中三摩地明晰，覺性清澈，是修習勝觀之處，障礙少。森林中心安住，生起心住，是修習止觀之處，樂受強。山巖下無常感強烈，清明且加持力大，止觀雙運成就。河岸邊思維敏捷，出離心迅速重新生起。尸陀林加持力大，迅速獲得悉地，據說對生起次第和圓滿次第都最為殊勝。村莊、集市、空屋、獨樹等，人和非人鬼怪出沒之處，對初學者易散亂且有障礙，對穩固者是助緣，被稱讚為最勝。

བརྟན་པ་རྣམས་ལ་གྲོགས་ཏེ་མཆོག་ཏུ་བསྔགས། །ལྷ་ཁང་མཆོད་རྟེན་རྒྱལ་འགོང་གནས་ས་ནི། །སེམས་འཚུབས་ཞེ་སྡང་རྟོག་ཚོགས་སྐྱེ་བ་སྟེ། །ས་ཕུག་ལ་སོགས་བསེན་མོའི་གནས་རྣམས་སུ། །འདོད་ཆགས་སྐྱེ་ཞིང་བྱིང་རྒོད་ལྷག་པར་ཆེ། །ཤིང་གཅིག་ལ་སོགས་མ་མོ་མཁའ་འགྲོ་དང༌། །བྲག་དང་རི་སྣ་དམུ་བཙན་་ཐེའུ་རང་གནས། །སེམས་འཚུབ་རྐྱེན་དང་བར་ཆད་མང་བར་འདོད། །གདོལ་པ་ཀླུ་གཉན་ས་བདག་གནས་ས་ནི། །མཚོ་འགྲམ་ནེའུ་གསེང་ནགས་ཁྲོད་ལ་སོགས་ཏེ། །ཡིད་དགའ་མེ་ཏོག་ལྗོན་ཤིང་བརྒྱན་པ་ནི། ། དང་པོ་དགའ་ཡང་ཕྱིས་ནས་བར་ཆད་མང༌། །མདོར་ན་གནས་ཁང་དང་པོ་ཉམས་དགའ་ལ། །འདྲིས་ཤིང་མི་དགའ་དངོས་གྲུབ་ཆུང་བའི་གནས། །དང་པོ་འཇིགས་ལ་མི་དགའ་འདྲིས་ཤིང་དགའ། །བྱིན་ཆེ་དངོས་གྲུབ་ཆེ་ལ་བར་ཆད་མེད། །དེ་ལས་གཞན་ཀུན་བར་མ་ཕན་གནོད་མེད། །གནས་ལ་བརྟེན་ནས་རང་གི་སེམས་འགྱུར་ཞིང༌། །དགེ་བའི་སྦྱོར་བ་འཕེལ་འགྲིབ་གཉིས་ཡོད་པས། །ས་གནས་བརྟག་པ་ཤིན་ཏུ་གཅེས་པར་གསུངས། །དེ་ཡང་བསྡུ་ན་ལས་བཞིའི་གནས་ཀྱང་བཞི། །ཞི་གནས་ཡིད་ནི་ལྷན་གྱིས་་འཛིན་པ་སྟེ། །རྒྱས་གནས་ཡིད་དགའ་གཟི་བརྗིད་མདངས་དང་ལྡན། །དབང་གནས་ཡིད་འཕྲོག་ཆགས་དང་ལྡན་པ་སྟེ། །དྲག་གནས་སེམས་རྩུབ་་འཇིགས་དངངས་སྐྱེ་བར་བྱེད། །དབྱེ་བ་རྣམ་པ་གྲངས་མང་མཐའ་ལས་་འདས། །འདིར་ནི་ཏིང་འཛིན་ཞི་བའི་གནས་མཆོག་སྟེ། །གཞན་རྣམས་ཡི་གེས་འཇིགས་ནས་མ་སྤྲོས་སོ།

以下是完整的直譯：對穩固者是助緣，被稱讚為最勝。寺廟、佛塔、王宮的所在地，會生起心煩意亂、嗔恨和諸多分別念。在山洞等仙女居住的地方，貪慾增長，昏沉掉舉尤其嚴重。獨樹等處是空行母和空行的住處，懸崖和山頭是魔鬼和小精靈的住處，認為會引起心煩意亂和諸多障礙。賤民、龍神、地神的居住地，如湖邊、草地、森林等，裝飾有悅意的花朵和樹木，起初令人愉悅，但之後障礙多。總之，起初令人愉悅的住處和房舍，熟悉后不喜歡，成就小；起初令人恐懼不喜歡，熟悉后喜歡，加持力大，成就大，無障礙。除此之外都是中等，無益無害。依靠處所，自心會改變，善行會有增減兩種情況，因此說觀察處所極為重要。總結起來，四種事業有四種處所。寂靜處能自然攝持心意，增益處令人愉悅，具威嚴光彩，懷柔處令人著迷，具有貪戀，降伏處使心粗暴，生起恐懼和驚慌。細分種類繁多，超出界限。這裡主要講述三摩地寂靜的殊勝處所，其他處所因擔心文字冗長而未詳

།ཞི་བའི་གནས་དེར་བསམ་གཏན་ཁང་བུ་ཡང༌། །དབེན་ལ་ཡིད་འཛིན་བཀོད་པར་འཚམས་པ་སྟེ། །ཕྱོགས་ཕྱེད་མཐོངས་གསལ་ཆེ་བ་རབ་ཏུ་ཤིས།།མཚན་མོའི་རྣལ་འབྱོར་མུན་ཁང་འཁོར་མ་སྟེ། །མཐོ་སར་འཁོར་ཁང་དབུས་སུ་ལྟེ་བའི་ཚུལ། །བྱང་་དུ་སྔས་གཏད་མྱ་ངན་འདས་གཟིམས་བཞིན། །ཉིན་མོའི་གནས་ནི་སྣང་བའི་རྣལ་འབྱོར་པ། །གངས་དང་ཆུ་འབབ་ནགས་དང་ཡུལ་ལ་སོགས། །ཁྱམས་ཀྱི་མཐོང་གསལ་ཆེ་ཞིང་ནམ་མཁའ་ཡངས། །སེམས་གསལ་དངས་ལ་བསིལ་དྲོད་སྙོམས་པར་བྱ། །ཞི་གནས་དུས་སུ་དབེན་ཁང་ར་བས་བསྐོར། །ངང་གིས་སེམས་གནས་སྐྱེ་བའི་གནས་ཤིས་ལ། །ལྷག་མཐོང་་དུས་སུ་མཐོངས་གསལ་དངས་བ་ གཅེས། །རྒྱུན་དུ་ཡིད་དགའ་དུས་དང་མཐུན་པ་གཅེས། །ནགས་རོང་ལ་སོགས་དམའ་ཞིང་འཐིབས་པ་ནི། །ཞི་གནས་གནས་ཡིན་གངས་སོགས་མཐོ་ས་ཉིད། ། ལྷག་མཐོང་གནས་ཡིན་བྱེ་བྲག་ཤེས་པར་གཅེས། །མདོར་ན་ས་ཕྱོགས་དང་ནི་དབེན་ཁང་ཉིད། །གང་དུ་ངེས་འབྱུང་སྐྱོ་ཤས་བློ་སྣ་ཐུང༌། །ཏིང་འཛིན་འཕེལ་ལ་དགེ་ལ་སྦྱོར་བའི་གནས། །སྙིང་པོ་བྱང་ཆུབ་གནས་དང་མཚུངས་པས་བསྟན། ། གང་་དུ་གནས་པས་དགེ་འགྲིབ་ཉོན་མོངས་འཕེལ། །རྣམ་གཡེང་འདུ་འཛི་ཚེ་འདིའི་དབང་གྱུར་ན། །ལས་ངན་བདུད་ཀྱི་གནས་ཏེ་མཁས་པས་སྤང༌། །འདི་དག་རང་བྱུང་པདྨས་གསུངས་པའི་ཕྱིར། །ཐར་པ་འདོད་པ་དག་གིས་ཤེས་པར་བྱ། །རྫོགས་པ་ཆེན་པོ་བསམ་གཏན་ངལ་གསོ་ལས། །ཏིང་་འཛིན་བསྒོམ་པའི་ས་ཕྱོགས་བསྟན་པ་སྟེ་གནས་དང་པོའོ།

以下是完整的直譯：在那寂靜處所，禪修小屋應當幽靜、令人心安、佈局合適。半面開闊明亮最為吉祥。夜間瑜伽修習應在圓形暗室，高處環繞房間，中央如臍。枕頭朝北，如涅槃安臥。白天修習光明瑜伽的處所，應有雪山、流水、森林和村莊等，庭院視野開闊，天空寬廣，心清明澄澈，溫涼適中。修習止觀時，應有圍墻環繞的靜室，自然生起心住的吉祥處所。修習勝觀時，重要的是視野開闊清晰。經常保持愉悅心情，與時節相應很重要。森林峽谷等低窪茂密之處，是修習止觀的處所；雪山等高處，是修習勝觀的處所，瞭解這些差別很重要。總之，無論是地方還是靜室，能生起出離心、厭離感、敏銳思維，增長三摩地、修習善法的處所，被說為等同於菩提道場的精華。若住某處使善法減少、煩惱增長，散亂、喧囂、受今生所左右，即為惡業魔鬼之處，智者應當遠離。這些是自生蓮花（蓮花生大士）所說，故希求解脫者應當了知。以上出自大圓滿禪修休息論，講述了修習三摩地的處所，是第一處所。

། །། གཉིས་པ་ཉམས་སུ་ལེན་པའི་གང་ཟག་ཀྱང༌། །དད་བརྩོན་ངེས་འབྱུང་སྐྱོ་ཤས་དང་ལྡན་ཞིང༌། །འཁོར་བས་སྐྱོ་ངལ་ཐར་པ་དོན་དུ་གཉེར། །ཚེ་འདི་བློས་བཏང་ཕྱི་མའི་བྱང་ཆུབ་འདོད། །རྣམ་གཡེང་འདུ་འཛི་རྒྱང་བསྲིང་ཉོན་མོངས་ཆུང༌། །ཁོང་ཡངས་སྤྲོ་རིང་དག་སྣང་མོས་གུས་ཆེ། །བསྟན་ལ་སྲི་ཞུར་ལྡན་པ་དེ་དག་གིས། །དམ་པའི་བླ་མ་རབ་ཏུ་མཉེས་བྱས་ཏེ། །ཐོས་བསམ་བསྒོམ་པས་རང་གི་སེམས་སྦྱོང་ཞིང༌། །ཁྱད་པར་སྙན་རྒྱུད་སྙིང་པོའི་མན་ངག་ལ། །བརྩོན་ལ་ཡུན་རིང་སྒྲུབ་པས་ཉིན་མཚན་འདའ། །ཐ་མལ་ཕྱོགས་སུ་སྐད་ཅིག་མ་ཡེངས་པར། །ཡང་ཟབ་སྙིང་པོའི་དོན་ལ་ནན་ཏན་བྱ། །ཉན་ཐོས་བྱང་ཆུབ་སེམས་དང་རིག་པ་འཛིན། །སྡོམ་པ་གསུམ་པོ་དག་དང་མ་འགལ་བས། །རང་རྒྱུད་སྡོམ་ཞིང་གཞན་ཕན་ཅི་་འགྲུབ་དང༌། །ཅི་སྣང་ཐར་པའི་ལམ་དུ་བསྒྱུར་བར་བྱ། ལས་དང་པོ་ཡིས་གཙོ་བོར་རང་དོན་སྒྲུབ། །དབེན་པར་སེམས་གཟུང་རྣམ་གཡེང་འདུ་འཛི་བཏང༌། །རྐྱེན་ངན་སྤང་ཞིང་གཉེན་པོས་ཉོན་མོངས་འདུལ། །ལྟ་་སྤྱོད་མ་འཛོལ་སྒོམ་པ་ལྷུར་བླང་ཞིག༌། །དུག་ལྔ་རང་རྒྱུད་གང་སྐྱེས་སྐད་ཅིག་ལ། །དྲན་པས་གཟུང་ཞིང་མ་ཡེངས་གཉེན་པོ་བསྟེན། །སྒོ་གསུམ་བག་ཡོད་ཤེས་བཞིན་ངོ་ཚ་ཤེས། །ཁྲེལ་ཡོད་ལྡན་པས་རང་རྒྱུད་གདུལ་བར་བྱ། །བསྟོད་སྨད་དགག་སྒྲུབ་སྙན་དང་མི་སྙན་ལ། །སྒྱུ་མ་རྨི་ལམ་བདེན་མེད་མགོ་སྙོམས་བྱ། །བྲག་ཅའི་སྒྲ་ལྟར་རྗེས་མཐུན་བཟོད་པ་བསྒོམ། །ང་བདག་འཛིན་པའི་སེམས་ཀྱི་རྩ་བ་ བཅད། །མདོར་ན་ཅི་བྱེད་ཆོས་དང་མི་འགལ་བས། །རང་གི་རྒྱུད་བསྡམས་གཞན་ལ་མི་གནོད་ཅིང༌། །ཉོན་མོངས་ཕྱོགས་སུ་སྐད་ཅིག་མ་སོང་བར། །ཉིན་མཚན་དགེ་བས་འདའ་བ་ཤིན་ཏུ་གཅེས། །དེང་སང་དུས་ན་སྐྱེ་བོ་མི་སྲུན་ པས། །དབེན་སར་རང་དོན་སྒྲུབ་པ་ཤིན་ཏུ་གཅེས། །འདབ་གཤོག་མ་རྫོགས་འཕུར་བར་མི་ནུས་ལྟར། །མངོན་ཤེས་མི་ལྡན་གཞན་དོན་མི་ནུས་པས༌། །རང་དོན་ལྷུར་བླངས་ཡིད་ཀྱིས་གཞན་དོན་བསམ། །རྣམ་གཡེང་འདུ་འཛི་བདུད་ཀྱི་བསླུ་བྲིད་འདིས། །རང་སེམས་མ་བསླུས་སྒྲུབ་ལ་འབད་པ་གཅེས། །འཆི་དུས་འགྱོད་པས་གདུང་བར་མ་བྱེད་ཅིག །དེ་བས་ད་ལྟ་སེམས་ལ་སེར་བཏབ་སྟེ། །

以下是完整的直譯：第二，修行的行者應當具有信心、精進、出離心、厭離感，厭倦輪迴、追求解脫，捨棄今生、希求來世菩提。遠離散亂喧囂、煩惱輕微，心胸開闊、不易興奮、具清凈見、深具敬信，對佛法恭敬承事的那些人，應當極其取悅殊勝上師。以聞思修凈化自心，尤其對耳傳心要教授，精進長期修持，日夜不懈。不讓心片刻散於平凡瑣事，專注于甚深精要之義。不違背聲聞、菩薩、持明三種戒律，調伏自心，盡力利他，將一切所見轉為解脫之道。初學者主要成辦自利，應在寂靜處攝心，捨棄散亂喧囂，遠離惡緣，以對治降伏煩惱。見行不錯亂，專注于修持。五毒任何一種生起的剎那，以正念攝持，不散亂地依靠對治。三門具正知正念、知慚有愧，以此調伏自心。對於贊毀、是非、悅耳不悅耳，應視如幻如夢無實平等對待。如回聲般修隨順忍辱，斷除我執自私之心根本。總之，一切所為不違正法，調伏自心，不害他人，剎那不隨煩惱而去，日夜以善法度過極為重要。如今時代眾生難調，在寂靜處成辦自利極為重要。如翅膀未豐難以飛翔，無神通者難以利他，故應專注自利，意中思維利他。散亂喧囂是魔的誘惑，不被自心所欺，精進修持很重要。莫使臨終時悔恨煎熬。因此，現在就當警惕自心，

དེ་བས་ད་ལྟ་སེམས་ལ་སེར་བཏབ་སྟེ། །ད་ལྟ་འཆི་ན་ཁྱེར་སོ་ཅི་འདུག་ལྟོས། །གར་འགྲོ་ཅིར་འགྱུར་གཏད་སོ་མ་ཟིན་ པར། །རྣམ་གཡེང་འཁྲུལ་པས་ཉིན་མཚན་འདའ་བ་འདི། །དལ་འབྱོར་དོན་མེད་ཆུད་ཟོས་བྱེད་པས་ན། །གཅིག་པུར་དབེན་པར་སྙིང་པོའི་དོན་བསྒོམས་ ཤིང༌། །གཏན་གྱི་འདུན་མ་ད་རེས་ལེགས་དགོས་སོ། །ཕྱི་ནས་གར་འགྲོ་བདག་ལ་ཆ་ཡོད་དམ། །དེ་བས་དེ་རིང་ཉིད་དུ་བརྩོན་པར་བྱ། །འཁོར་བའི་འཁྲུལ་སྣང་འཇིགས་པའི་ལམ་འཕྲང་འདྲ། །འདི་ལས་ཐར་ཐབས་དགོས་སོ་སེམས་ལ་ ཟུང༌། །ད་རེས་འཁྲུལ་ན་གཏན་དུ་འཁྲུལ་པར་འཁྱམས། །དེ་བས་བརྩོན་པ་སྐྱེད་ཅིག་སྙིང་ལ་ཞོག །ཉོན་མོངས་རྒྱ་མཚོ་བདག་འཛིན་བརྒལ་དཀའི་མཚོ། །དལ་འབྱོར་གྲུ་བོས་ད་རེས་བརྒལ་བར་བྱ། །ཐར་ལམ་བྱང་ཆུང་བརྒྱ་ལམ་རེས་འགའ་ཞིག །བསོད་ནམས་དབང་གིས་སྣང་བའི་གནས་སྐབས་འདིར། །སྙིང་ནས་བརྩོན་པས་ཕན་བདེ་བསྒྲུབ་པར་བྱ། །ཚེ་ཡང་མི་རྟག་སྐད་ཅིག་འགྱུར་བ་སྟེ། ། རྣམ་གཡེང་བསླུ་མཁས་ཕྱི་བཤོལ་དགེ་ལ་བྱེད། །འཁྲུལ་པ་རྒྱུན་རིང་གོམས་པ་བརྟན་པས་ན། །ཉོན་མོངས་ཕྱོགས་ནི་སྐད་ཅིག་ངང་གིས་འདུ། །བསོད་ནམས་དགེ་ལ་འབད་ཀྱང་འབྱུང་དཀའ་བས། །ལས་ཀྱི་གདུང་ཤུགས་བཟློག་ལ་འབད་པ་གཅེས། །འཁོར་བའི་གནས་ན་བདེ་བ་ཅུང་ཟད་མེད། །སྲིད་པའི་སྡུག་བསྔལ་བསམས་ན་བཟོད་གླགས་མེད། །འདི་ལས་ཐར་ཐབས་ད་རེས་བརྩམ་པར་བྱ། ། སྙིང་ནས་སྙིང་པོའི་དོན་ལ་མ་འབད་ན། །དལ་ཁོམ་རེས་འགའི་ཆོས་ཀྱིས་ཕན་མི་ཐོགས། །དེ་བས་མི་རྟག་སྐྱོ་ཤས་ཆེར་བསྐྱེད་དེ། །སྐད་ཅིག་མ་ཡེངས་སྒྲུབ་ལ་བརྩོན་འགྲུས་བསྐྱེད། །དེ་ལྟར་དང་པོ་ཉིད་དུ་རྟོགས་བྱས་ན། །ཕྱིས་ནས་འཕགས་པའི་གོ་འཕང་མྱུར་དུ་འཐོབ། །རང་དོན་འགྲུབ་ཅིང་གཞན་དོན་ངང་གིས་་འབྱུང༌། །འཁོར་བའི་གནས་ལས་ཐར་བའི་ལམ་མཆོག་རྙེད། །དེ་ཕྱིར་ཅི་བྱེད་ཆོས་དང་བསྟུན་པ་ནི། །བྱང་ཆུབ་བསྒྲུབ་པའི་རྟེན་གྱི་གང་ཟག་ཡིན། ། རྫོགས་པ་ཆེན་པོ་བསམ་གཏན་ངལ་གསོ་ལས། །གང་གིས་བསྒོམས་པའི་གང་ཟག་བསྟན་པ་སྟེ་གནས་གཉིས་པའོ།

以下是完整的直譯：因此，現在就當警惕自心，若現在死去，看看有什麼可帶走的？不知去向、不知結果、無所依靠，散亂迷亂中度過日夜，這是浪費暇滿人身，毫無意義。故應獨自在寂靜處修習精要義理，此生的終極目標此時必須達成。以後往何處去，我有把握嗎？因此今天就當精進。輪迴的迷亂顯現如可怕的險路，應牢記心中：必須尋求從此解脫之法。這次若迷失，將永遠迷失流轉。因此當生起精進，銘記於心。煩惱如大海，我執難越渡，當以暇滿之船此時渡越。解脫道偶爾顯現如閃電，此時因福德力而顯現之際，應當發自內心精進成辦利樂。生命無常，剎那變化，散亂善於欺騙，總是推遲行善。因長期習慣迷亂而根深蒂固，煩惱方面自然剎那生起。雖勤修福德善業也難生起，故努力遮止業力衝動很重要。輪迴中絲毫無有安樂，思維輪迴苦難難以忍受。應當此時著手尋求解脫之法。若不從內心精進修持精要義理，偶爾行持的閑暇法行無益。因此當生起無常與厭離感，剎那不散亂地精進修持。若能如此從一開始就領悟，之後將迅速獲得聖者果位。自利成就，利他自然生起，找到從輪迴解脫的殊勝道路。因此，一切所為與正法相應，即是成就菩提的修行者。以上出自大圓滿禪修休息論，講述了誰是修行者，是第二處所。

། །། གསུམ་པ་ཉམས་སུ་བླང་བྱའི་ཆོས་ལ་གསུམ། །སྔོན་འགྲོ་དངོས་གཞི་རྗེས་ཀྱི་རིམ་པ་འོ། །དང་པོ་སྔོན་དུ་འགྲོ་བའི་ཆོས་བསྟན་པ། །མི་རྟག་སྐྱོ་ཤས་སྤྱི་ཡི་སྔོན་འགྲོ་སྟེ། །ཚེ་འདིའི་ཞེན་པ་གཏིང་ནས་ཟློག་པར་བྱེད། །སྙིང་རྗེ་སེམས་བསྐྱེད་བྱེ་བྲག་སྔོན་འགྲོ་སྟེ། །ཐེག་ཆེན་ལམ་དུ་ཆོས་རྣམས་འགྲོ་བར་བྱེད། །དེ་ཕྱིར་་ཐོག་མར་སྔོན་འགྲོ་རྣམ་གཉིས་སྦྱོང༌། །དེ་རྗེས་ཁྱད་པར་མཆོག་གི་སྔོན་འགྲོ་ནི། །དབང་རྫོགས་ཐོབ་ནས་བསྐྱེད་པ་རིམ་གཉིས་ཏེ། །རང་ལུས་ལྷ་དང་སྣོད་བཅུད་ལྷར་གསལ་བས། །ཐ་མལ་འཛིན་པའི་ཞེན་པ་ཟློག་པར་བྱེད། །ཟབ་ལམ་བླ་མའི་རྣལ་འབྱོར་བསྒོམས་པ་ཡིས། །བྱིན་རླབས་ཚད་མེད་རྟོགས་པ་ཤུགས་ལས་འཆར། །བར་ཆད་ཀུན་སེལ་དངོས་གྲུབ་རྣམ་གཉིས་ཐོབ། །དེ་ཕྱིར་དེ་རྗེས་སྔོན་འགྲོ་མཆོག་གཉིས་བསྒོམ། །དེ་ལྟར་སྔོན་དུ་འགྲོ་བའི་ཆོས་བཞི་ཡིས། །མ་ནོར་ལམ་དུ་སེམས་ཉིད་ཚུད་པ་་དང༌། །ཐར་ལམ་མཆོག་ཟིན་གནས་ལུགས་མྱུར་དུ་སྐྱེ། །དངོས་གཞི་་འབྱོངས་སླ་བར་ཆད་མེད་པ་དང༌། །དངོས་གྲུབ་ཉེ་སོགས་ཡོན་ཏན་ཚད་མེད་ལྡན། །དེ་ཕྱིར་སྔོན་འགྲོ་འབྱོངས་པ་ཤིན་ཏུ་ གཅེས། །དངོས་གཞིའི་རྣམ་པའང་བདེ་གསལ་མི་རྟོག་པའི། །བསམ་གཏན་ཐབས་ལས་གནས་ལུགས་ངོ་སྤྲོད་དེ། །འོད་གསལ་སྤྲོས་དང་བྲལ་བའི་ཡེ་ཤེས་ནི། །གཉུག་མ་ལྷན་ཅིག་སྐྱེས་པ་འཆར་བ་ཡིན། །དང་པོ་བདེ་ཆེན་ཐབས་ལ་ངོ་སྤྲོད་པ། །དེ་ཡང་སྔོན་འགྲོ་སྔར་བཞིན་བསྒོམས་པའི་རྗེས། །འཁོར་ལོ་བཞི་དབུས་རྩ་གསུམ་ཀ་བའི་ཚུལ། །གཡས་དཀར་གཡོན་དམར་དབུས་མཐིང་སྦུབས་མ་ཅན། །ཡར་སྣ་ཚངས་བུག་མར་སྣ་གསང་གནས་ཏེ། །ལྟེ་བའི་ཐད་དྲང་དབུ་མའི་ནང་ཨ་ལས། །མེ་འབར་སྤྱི་བོའི་ཧཾ་ལས་བདུད་རྩི་བབ། །འཁོར་ལོ་བཞི་དང་ལུས་ནང་ཀུན་གང་སྟེ། །བདེ་བས་ཁྱབ་དུས་སྙིང་གར་བྃ་ཡིག་ལ། །ཧྃ་གི་བདུད་རྩི་རྒྱུན་ཆད་མེད་པར་འབབ། །བདེ་བའི་ཉམས་ནི་མ་སྐྱེས་བར་དུ་བསྒོམ། །དེ་ནས་བྃ་ཡང་ཇེ་ཆུང་ཇེ་ཕྲ་ལས། །དམིགས་བསམ་སྤྲོས་དང་བྲལ་བའི་ངང་དུ་གཞག །ཐབས་དེས་སེམས་ཟིན་བདེ་བས་ཞི་གནས་སྐྱེ། །དེ་ནས་གང་ཡང་བརྗོད་ལས་འདས་པའི་སེམས། །བློ་བྲལ་ནམ་མཁའ་འདྲ་བའི་ངང་ཉིད་འཆར། །

以下是完整的直譯：第三，修持之法分三：前行、正行和後行。首先講解前行法：無常厭離是共同前行，能從根本遣除今生貪著。慈悲發心是特殊前行，能使諸法趨入大乘道。因此首先修習這兩種前行。之後殊勝的特別前行是：獲得圓滿灌頂后修生圓二次第，觀想自身為本尊、器世間為凈土，能遣除對平凡事物的執著。修持甚深上師瑜伽，能自然生起無量加持與證悟，消除一切障礙，獲得二種悉地。因此之後應修這兩種殊勝前行。如是四種前行法，能使心入無誤之道，獲得殊勝解脫道，迅速生起實相。正行易於成就，無有障礙，近得悉地等無量功德。因此精通前行極為重要。正行的內容是樂明無念禪定方便引導認識實相。光明離戲的智慧即本然俱生智慧顯現。首先引導大樂方便：如前修習前行之後，觀想四輪中央三脈如柱：右白左紅中藍中空，上端至梵穴下端至密處。臍輪正對中脈內觀想（ཨ，a，अ，阿，a）字，火焰上升，頂輪（ཧཾ，haṃ，हं，吽，hang）字流下甘露。充滿四輪及全身，遍滿樂感時，心間（བྃ，baṃ，बं，梵，bang）字上（ཧྃ，hūṃ，हूं，吽，hung）字甘露不斷流下。直至生起樂感為止持續修持。然後（བྃ，baṃ，बं，梵，bang）字逐漸變小變細，安住于離戲無緣狀態。以此方便攝心，樂感生起止觀。之後任何言語無法表達的心，超越思維如虛空般的狀態顯現。

བློ་བྲལ་ནམ་མཁའ་འདྲ་བའི་ངང་ཉིད་འཆར། །དེ་ནི་འོད་གསལ་བདེ་སྟོང་རྫོགས་པ་ཆེ། །དངས་ཤིང་བསམ་གྱིས་མི་ཁྱབ་ཆོས་ཉིད་ཡིན། །དེ་ཉིད་གོམས་ལས་ཉམས་ཀྱང་རྣམ་པ་བཞི། །གང་སྣང་ཐམས་ཅད་བདེ་བར་འཆར་བ་དང༌། །ཉིན་མཚན་བདེ་བའི་ངང་ལས་འབྲལ་མི་ཕོད། །ཆགས་སྡང་ལ་སོགས་ཟུག་རྔུས་རྒྱུད་མི་འཁྲུགས། །ཆོས་ཀྱི་ཚིག་དོན་རྟོགས་པའི་ཤེས་རབ་སྐྱེ། །དེ་ནས་ཡང་བསྒོམས་སྤྱན་དང་མངོན་ཤེས་སོགས། །ཡོན་ཏན་དཔག་མེད་ཉི་མ་སེམས་ལ་འཆར། །འདི་ནི་ཡང་ཟབ་གནད་ཀྱི་གདམས་པ་ཡིན། །གཉིས་པ་གསལ་བའི་ཐབས་ཀྱི་ངོ་སྤྲད་པ། །སྔོན་འགྲོ་སྔར་བཞིན་རྩ་གསུམ་གསལ་བཏབ་པའི། །རོ་རྐྱང་གུག་པ་དབུ་མར་འཇུག་པའི་ཚུལ། །མར་སྣར་བསྒོམས་ལ་ཡར་སྣར་སྣ་བུག་གཏད། །རླུང་རོ་གསུམ་བུས་ནད་གདོན་སྡིག་སྒྲིབ་སོང༌། །དལ་བུས་ཚུར་རྔུབས་བརྟན་གཡོའི་འཇིག་རྟེན་ཀུན། །འོད་ཞུ་སྣ་ནས་ཚུར་བྱུང་རོ་རྐྱང་ནས། །དབུ་མའི་ནང་བྱུང་སྙིང་དབུས་ཚོན་གང་འོད། །གོང་བུ་ལ་ཐིམ་་ཐུབ་ཐང་བར་དུ་གཟུང༌། །སྟེང་འོག་ཁ་སྦྱར་གཏོང་དུས་ཅུང་ཟད་གཟུང༌། །དལ་བུས་འབྱུང་རྔུབས་བྱ་བ་ཤིན་ཏུ་གཅེས། ། གཞན་ཡང་སངས་རྒྱས་ལ་་སོགས་ཡོན་ཏན་ཀུན། །སྙིང་གར་ཐིམ་ལས་གཞན་དུ་མ་ཡེངས་བྱ། །ཐབས་དེས་སེམས་གསལ་དངས་ལ་གནས་པ་འབྱུང༌། །དེ་རྗེས་སྙིང་གའི་་འོད་ལས་འོད་མཆེད་དེ། །ལུས་ནང་འཁོར་ལོ་བཞི་ནང་འབར་བ་ལས། །ཕྱིར་མཆེད་འཇིག་རྟེན་འོད་ཀྱིས་གང་བར་བསྒོམ། །ཞག་འགར་ཉིན་མཚན་དེ་ཉིད་དོན་བསྒོམས་པས། །རྨི་ལམ་འགག་དང་འོད་ཀྱི་སྣང་བ་ནི། །ཟླ་བ་འབར་བ་མེ་ཁྱེར་སྐར་མ་སོགས། །འོད་ལྔའི་སྣང་བས་ཕྱི་ནང་ཁྱབ་པ་ མཐོང༌། །གསལ་བའི་ངང་དུ་སེམས་ཟིན་ཞི་གནས་སྐྱེ། །དེ་ནས་སླར་བསྡུ་སྙིང་གའི་འོད་དེ་ཡང༌། །ཇེ་ཆུང་ཇེ་ཕྲར་སྟོང་ཉིད་ངང་ལ་གཞག །གང་དུའང་མི་དམིགས་སྟོང་གསལ་དངས་པའི་སེམས། །རང་བཞིན་སྤྲོས་པའི་མཐའ་དང་བྲལ་བ་འཆར། །དེ་ནི་གསལ་སྟོང་གཉུག་མའི་ཡེ་ཤེས་ཏེ། །རང་བཞིན་རྫོགས་པ་ཆེན་པོའི་གནས་ལུགས་ཡིན། །དེ་ཉིད་གོམས་ལས་ཉམས་ཀྱང་རྣམ་པ་བཞི། ། གང་སྣང་འལ་འོལ་ཟང་ཐལ་གསལ་བ་སྙམ། །ཉིན་མཚན་གསལ་བའི་ངང་ལ་གནས་པ་དང༌། རྣམ་རྟོག་མི་གཡོ་སེམས་གསལ་དྭངས་པ་དང༌། །

以下是完整的直譯：超越思維如虛空般的狀態顯現。這就是光明大樂空性圓滿大覺，清凈不可思議的法性。通過修習此境界，會有四種體驗：一切顯現皆為大樂，日夜不願離開大樂狀態，貪嗔等煩惱刺不擾亂相續，生起通達佛法義理的智慧。之後繼續修習，天眼、神通等無量功德如太陽般在心中顯現。這是極其甚深的要訣教授。第二，引導明晰方便：如前修習前行，觀想三脈清晰，左右脈彎曲匯入中脈，觀想下端，上端對準鼻孔。呼氣三次，排除病魔罪障，緩慢吸氣，觀想整個堅固活動世界化光從鼻孔進入左右脈，再進入中脈，心間一寸光明凝聚成團，盡力持住。上下閉合，呼氣時稍作持守。緩慢出入息極為重要。此外，佛陀等一切功德皆融入心間，不散亂他處。以此方便心明凈而安住。之後從心間光芒向外放射，先遍滿身內四輪，再向外放射充滿世界。如是日夜修習數日，夢境停息，光明景象顯現：如月亮、火焰、流星等，五色光明遍滿內外。安住明晰狀態，心專注生止觀。然後再收攝，心間光明逐漸變小變細，安住空性中。無所緣執，空明澄凈之心，自性離一切戲論邊際顯現。這就是明空本然智慧，自性大圓滿的實相。通過修習此境界，也有四種體驗：一切顯現似乎清晰透明，日夜安住于明晰狀態，妄念不動，心明凈澄澈，

རྣམ་རྟོག་མི་གཡོ་སེམས་གསལ་དྭངས་པ་དང༌། །ཤེས་རབ་ཀློང་རྡོལ་གཟུང་འཛིན་བྲལ་བ་འོ། །དེ་ཡང་གོམས་ལས་མངོན་ཤེས་འཆར་བ་དང༌། ། སྒྲིབ་པས་ཆོད་ཀྱང་ཕ་རོལ་ཟང་ཐལ་སོགས། །མཐོང་བའི་སྤྱན་དང་རྫུ་འཕྲུལ་འགྲུབ་པར་འགྱུར། །འདི་ནི་ཡང་ཟབ་གདམས་པའི་ཉིང་ཁུ་ཡིན། །གསུམ་པ་མི་རྟོག་ཐབས་ཀྱིས་ངོ་སྤྲད་ནས། །སྔོན་འགྲོ་སྔར་བཞིན་དངོས་གཞི་རྣམ་པ་ གསུམ། །འཕང་བ་གཟུང་བ་སྦྱང་བའི་རིམ་པ་ལས། །འཕང་བ་སྙིང་གར་སེམས་ཉིད་འོད་གསལ་བ། །ཧ་འམ་འོད་ཀྱི་གོང་བུ་ཚོན་གང་ཞིག །ཧ་ཞེས་ཉེར་གཅིག་ངར་དང་བཅས་བརྗོད་པས། །རྒྱངས་ཀྱིས་སྤྱི་གཙུག་ནས་འཐོན་མཁའ་ལ་ སོང༌། །ཇེ་མཐོ་ཇེ་མཐོར་མཐར་ནི་བལྟར་མེད་པའི། །ངང་དུ་ལུས་སེམས་ཁོང་གློད་མཉམ་པར་བཞག །སྐད་ཅིག་དེ་ལ་རྣམ་རྟོག་རྒྱུན་ཆད་དེ། །སྨྲ་བསམ་བརྗོད་དུ་མེད་པའི་ངང་ལ་གནས། །ཉམས་ཀྱང་བལྟར་མེད་བསམ་ཡུལ་འདས་པ་འབྱུང༌། །གཟུང་བ་ཉི་མའི་ངོས་ལ་རྒྱབ་གཏད་དེ། །དངས་པའི་མཁའ་ལ་མིག་གཏད་ལྷན་ནེར་གཞག །རླུང་རྒྱུ་མི་ཚོར་ཅི་ནས་་དལ་བར་བྱ། །མི་རྟོག་སྤྲོས་དང་བྲལ་བ་ཁོང་ནས་འཆར། །རང་བཞིན་ནམ་མཁའ་ལྟ་བུའི་ཉམས་སྐྱེའོ།

以下是完整的直譯：妄念不動，心明凈澄澈，智慧涌現，離能所執。通過繼續修習，會顯現神通，雖有障礙也能透視遠方等，獲得天眼和神變成就。這是極深要訣的精華。第三，以無分別方便引導：前行如前，正行分三種：拋、持、修的次第。拋：心性光明於心間，（ཧ，ha，ह，種子字"哈"，ha）或一寸光團，唸誦（ཧ，ha，ह，種子字"哈"，ha）二十一遍並帶力，猛然從頭頂射出升入虛空。越升越高，最後達到不可見的狀態，身心放鬆平等安住。剎那間妄念斷流，安住于不可言說思議的境界。體驗也是不可見、超越思維。持：背對太陽，凝視清凈虛空，目光平穩，儘量使呼吸緩慢不覺。無分別離戲從內心生起，生起如虛空般的自然體驗。

།སྦྱང་བ་མཁའ་ལ་མིག་གཏད་མ་ཡེངས་པར། །སེམས་གསལ་སྤྲོ་བསྡུ་མེད་པའི་ངང་དེ་ནས། །ས་རྡོ་རི་བྲག་སྣོད་བཅུད་ཐམས་ཅད་ཀྱང༌། །ཟང་ཐལ་ནམ་མཁའ་གཅིག་ཏུ་སོང་བར་བསྒོམ། །རང་གི་ལུས་ཀྱང་རགས་པའི་དངོས་མེད་དེ། །སེམས་དང་ནམ་མཁའ་དབྱེར་མེད་ངང་དུ་གཞག །ཕྱི་ནང་བར་གསུམ་རྣམ་དབྱེ་མེད་པའི་ཆོས། །ནམ་མཁའི་ངང་དེར་ལུས་སེམས་ཁོང་གློད་ལ། །དྲན་བསམ་ཡིད་ལ་ཕྱེད་པ་རང་ཞིའི་ངང༌། །སྤྲོ་བསྡུ་མེད་པའི་སེམས་ཉིད་རང་སོར་གཞག །དེ་ཚེ་ཆོས་ཉིད་བསམ་བརྗོད་འདས་པའི་སེམས། །གཉིས་མེད་ནམ་མཁའ་ལྟ་བུའི་དགོས་པ་འཆར། །འདི་ནི་དུས་གསུམ་རྒྱལ་བའི་སྙིང་པོ་ཡིན། །དེ་ལྟར་བསྒོམས་པས་ཉམས་ཀྱང་རྣམ་པ་བཞི། །གང་སྣང་ཕྱམ་ཕྱམ་རགས་པའི་འདུ་ཤེས་མེད། །ཉིན་མཚན་མི་རྟོག་ངང་ལས་འབྲལ་མི་ཕོད། །དུག་ལྔ་རང་ཞི་སེམས་རྒྱུད་འཇམ་ལ་དེས། །ཆོས་ཀུན་ནམ་མཁའ་འདྲ་བའི་ཉམས་མྱོང་སྐྱེ། །དེ་ལྟར་མི་རྟོག་གསུམ་ལ་གོམས་པ་ཡིས། །སྤྱན་དང་མངོན་ཤེས་ཏིང་འཛིན་ཡོན་ཏན་འགྲུབ། །ཐབས་དང་ཤེས་རབ་ཞི་ལྷག་ཟུང་འབྲེལ་བས། །གནས་སྐབས་མཐར་ཐུག་དོན་གཉིས་ཕུན་སུམ་ཚོགས། །གསུམ་པ་རྗེས་ཀྱི་ཆོས་ལ་རྣམ་པ་བཞི། །ཉམས་དང་བོགས་འབྱིན་རྟོགས་པ་འབྲས་བུའོ།

以下是完整的直譯：修：凝視虛空不散亂，心明晰無散收的狀態中，觀想地、石、山、巖、器世間一切皆透明融入一體虛空。自身也無粗重實體，安住心與虛空無別的狀態。外內中三者無分別的法，在那虛空境界中身心放鬆，念想意識自然寂滅，無散收的心性安住本然。此時法性超越思議的心，顯現如虛空般無二的要義。這是三世諸佛的心要。如是修習會有四種體驗：一切顯現朦朧無粗重執著，日夜不願離開無分別狀態，五毒自然平息，心相續柔和寧靜，生起諸法如虛空的體驗。如是熟習三種無分別，成就天眼、神通、禪定等功德。方便智慧止觀雙運，暫時究竟二利圓滿。第三，後續之法有四：體驗、進展、證悟和果實。

།ཉམས་ལ་གཉིས་ལས་སྐྱོན་མེད་སྔར་བསྟན་ལ། ། སྐྱོན་ཅན་སོ་སོའི་འཛིན་ཞེན་ལས་བྱུང་བ། །བདེ་ཆགས་གསལ་ཆགས་མི་རྟོགས་ཆགས་པ་དང༌། །མཐར་འཛིན་ཞེན་རྟོག་དུག་དང་འདྲེས་པ་གསུམ། །བདེ་ལོག་ཁམས་འཛག་འདོད་ཆགས་རང་ག་དང༌། །སྙིང་མི་དགའ་དང་བྱིང་བ་ཤས་ཆེ་དང༌། །གསལ་ལོག་རླུང་རྒོད་ཞེ་སྡང་རང་ག་དང༌། །རྣམ་རྟོག་རགས་དང་རྒོད་དང་འཕྲོ་ཤས་ཆེ། །མི་རྟོག་ལོག་པ་གཏི་མུག་རང་ག་་དང༌། །སེམས་བྱིང་གཉིད་རྨུགས་ཆེ་དང་འདུ་ཤེས་མེད། །དེ་ལྟར་མཐུན་དང་ལོག་པའི་སྐྱོན་ཅན་རྣམས། ། གང་བྱུང་ངོས་གཟུང་གཉེན་པོས་བཅོས་པར་བྱ། །བོགས་འབྱིན་ཉམས་བཅོས་ཐབས་དང་གོང་དུ་སྤེལ། །ཉམས་བཅོས་པ་ཡང་རྣམ་པ་གསུམ་ཉིད་དེ། །རབ་ཀྱིས་ལྟ་བས་བཅོས་ཏེ་ཆོས་རྣམས་ཀུན། །བློ་བཏགས་སྒྱུ་འདྲ་ངོ་བོ་ངོས་གཟུང་མེད། །ཕྱམ་གཅིག་མཁའ་འདྲ་སྙེམས་བྲལ་རང་ངོས་སྟོང༌། །འཛིན་ཞེན་མེད་པའི་ངང་་དེར་ལ་བཟླ་འོ། །གོལ་སྒྲིབ་ཉམས་དེ་གནས་ལུགས་ཆེན་པོར་ འཆར། །བར་ཆད་དགེ་བསྐུལ་རྐྱེན་ངན་བྱང་ཆུབ་གྲོགས། །གཞི་བདེའི་སྟེང་དུ་བློ་བདེ་རྒྱུན་མི་འཆད། །འབྲིང་གིས་སྒོམ་པས་བཅོས་ཏེ་དངས་ཕྱུང་ལ། །ཤེས་པ་འགྱུར་ལ་ཐེབས་ཤིང་དྲན་པས་གཟུང། །མ་ཡེངས་བདེ་གསལ་མི་རྟོག་ངང་ལ་གཞག །ཡེངས་དང་འཇུར་ལ་མ་ཐེབས་སྐྱོན་ཡིན་པས། །སྐད་ཅིག་མ་ཡེངས་ངང་ལ་གཞག་པ་གཅེས། །ཁམས་འཛག་པ་ལ་རྡོ་རྗེའི་བུམ་པ་རུ། །ཧཱུྃ་ལས་མེ་འབར་ལུས་ནང་ཁམས་ཀུན་བསྲེགས། །ཅི་ཡང་མེད་པའི་ངང་ལ་བསྒོམས་པས་སེལ། །ནད་འཛག་གདོན་འཛག་གང་ལའང་གནད་འདི་ཟབ། །བདེ་ལ་འཛིན་པ་བཤིག་ནས་སྟོང་པར་བསྒོམས། །འདོད་ཆགས་རང་གའི་སེམས་ལ་ཆེར་བལྟས་ཏེ། །བཅོས་བསླད་རེ་དོགས་མེད་པའི་ངང་བཞག་པས། །འདོད་ཆགས་རང་གྲོལ་བདེ་སྟོང་ཡེ་ཤེས་འཆར། །སྙིང་མི་དགའ་བ་ཐིག་ལེ་ཉམས་པའི་སྐྱོན། །དེ་ལ་འབར་འཛག་བདེ་བའི་བསམ་གཏན་བསྒོམ། །བྱིང་ཤས་ཆེ་ན་དངས་སྙིགས་མ་ཕྱེད་སྐྱོན། །དེ་ལ་ལུས་གནད་དྲང་པོར་འདུག་བྱས་ལ། །ཁ་སྦྱར་རླུང་བཟུང་སྙིང་ནང་འོད་ཀྱིས་ཁེངས། །སྣང་སྲིད་འོད་ཁེངས་གསལ་སྟོང་བསྒོམས་པས་གྲོལ། །གསལ་འཛིན་ཉམས་ལ་འཛིན་མེད་ཆེན་པོར་སྦྱོང༌། །གསལ་འཛིན་རྨུགས་ན་དངས་གསལ་སེམས་བསྒོམ་ཞིང༌། །

以下是完整的直譯：體驗分兩種：無過失的前已說明，有過失的源於各自的執著，樂執、明執、無念執，以及邊執、念執、毒混三種。樂顛倒：精液漏泄、自然貪慾、心不喜悅、沉重嚴重；明顛倒：氣粗暴、自然嗔恨、粗重妄念、掉舉、散亂嚴重；無念顛倒：自然愚癡、心沉、昏沉嚴重、無想；如是順逆諸過失，一旦生起，認清並以對治糾正。進展：糾正體驗的方法和提升。糾正體驗又分三種：上等以見解糾正：一切諸法如意識假立幻化，無實體可執，如虛空一味，離慢自性空，安住無執著的狀態中。障礙體驗會顯現為大實相，逆緣成助緣，不善成菩提友，基礎安樂上心樂相續不斷。中等以禪修糾正：提起明凈，心變化穩固並以正念持守，安住不散亂、樂明無念的狀態。散亂和沉沒是過失，故剎那不散亂安住至關重要。對於精液漏泄，觀想金剛瓶中，（ཧཱུྃ，hūṃ，हूं，種子字"吽"，hum）字化火焰燒盡體內諸元素，觀修無有一物的狀態即可消除。對病漏、魔漏等皆適用此要訣。破除樂執，觀修空性。對於自然貪慾，仔細觀察其心，安住無造作、無希憂的狀態，貪慾自解脫，顯現樂空智慧。心不喜悅是明點退失的過失，對此修習燃流喜樂的禪定。若沉重嚴重，是未分清濁的過失，對此保持身體正直，閉氣持息，心間充滿光明，觀修現有光明遍滿、明空即可解脫。對明執體驗，修習大無執，若明執昏沉，則修習清明心，

གསལ་འཛིན་རྨུགས་ན་དངས་གསལ་སེམས་བསྒོམ་ཞིང༌། །རྒོད་ཅིང་འཕྲོ་ན་མིག་བཙུམས་སྙིང་ནང་དུ། །འོད་དང་ཡི་གེ་པདྨ་རལ་གྲིའམ། །རྒྱ་གྲམ་བསྒོམས་པ་ཇེ་དམའ་ཇེ་དམའ་ལས། སྙིང་གི་ནང་ནས་ལུང་ཐག་ཇེ་རིང་སོང༌། །འོག་གཞི་གསེར་གྱི་ས་གཞིར་བབ་པར་བསྒོམ། །དེས་ནི་མི་སེལ་མི་སྲིད་ངེས་པའི་གནད། །ཞེ་སྡང་རང་ག་འཕྲོས་ཐོག་ཙེན་ནེ་གཞག །གསལ་སྟོང་མེ་ལོང་ཡེ་ཤེས་ངང་དུ་གྲོལ། ། མི་རྟོག་ངང་འཆར་འཛིན་མེད་གནད་ཀྱིས་སྦྱང༌། །གཏི་མུག་སེམས་དེ་ངོས་གཟུང་ཅེར་གྱིས་བརྟག །སྐད་ཅིག་རང་གྲོལ་ཆོས་དབྱིངས་ཡེ་ཤེས་འཆར། །བྱིང་ཞིང་རྨུགས་ཏེ་འདུ་ཤེས་མེད་པ་ན། །སྙིང་ནང་འོད་བསྒོམས་ཚངས་བུག་ནས་འཐོན་ཏེ། །གཞུ་གང་ཙམ་གྱི་ནམ་མཁར་ལྡིང་ངེར་གནས། །འདི་ནི་ཡང་ཟབ་གནད་ཀྱི་གདམས་པ་ཡིན། །སྤྱིར་ནི་གང་ལའང་འཛིན་མེད་གནད་དུ་ཆེ། །རེ་དོགས་བྲལ་ན་གེགས་རྣམ་ཀུན་ལས་གྲོལ། །སྟོང་གསལ་སེམས་ཉིད་དངས་པའི་ངང་ཉིད་དུ། །བློ་ཡི་རྣམ་པ་སྤྲོ་བསྡུ་མེད་པར་གཞག །གེགས་དང་སྤང་བྱའི་འཕྲང་ལས་གྲོལ་བར་ངེས། །ཐ་མས་སྤྱོད་པས་བཅོས་པའི་རིམ་པ་ཡང༌། །ལྟ་སྟངས་རྫས་དང་རྟེན་འབྲེལ་གསུམ་ཉིད་ལས། །སྤྱི་ཡི་ལྟ་སྟངས་རྣམ་སྣང་ཆོས་བདུན་ཏེ། །སྐྱིལ་ཀྲུང་མིག་མི་འགུལ་དང་རླུང་དལ་དང༌། །མཉམ་གཞག་མགྲིན་པ་གུག་དང་ལྕེ་རྩེ་རྐན། །སྣ་རྩེར་མིག་ཕབ་བལྟ་བས་རླུང་སེམས་སྙོམས། །བྱིང་རྒོད་མེད་ཅིང་མ་ནོར་བསམ་གཏན་སྐྱེ། །འདི་ལྟར་སྐྱོན་ཀུན་ལུས་གནད་འཁྲུགས་པ་ཡིས། །རྩ་འཁྲུགས་རླུང་འཁྲུགས་ཐིག་ལེ་འཁྲུགས་པ་ལས། །འབྱུང་བས་མ་དཀྲུགས་མཉམ་པར་གཞག་པ་གཅེས། །ཡོན་ཏན་ཡང་ནི་རྩ་ཐིག་རླུང་གསུམ་ཉིད། །མི་གཡོ་གནད་དུ་སོང་ལས་འབྱུང་བས་ན། །དེ་ཕྱིར་གནད་འདི་རྟོགས་པ་རབ་ཏུ་གཅེས། །འཁྲུལ་འཁོར་ལུས་སྦྱོང་གཞན་དང་འདྲ་བ་ལས། ། ཁྱད་པར་དལ་འཇམ་མ་འཁྲུགས་གནད་ཀྱི་དུས། །འཇམ་ལ་རྩུབ་དང་རྩུབ་ལ་ འཇམ་པ་གནད། །ཁམས་དང་བསྟུན་པ་ཤིན་ཏུ་གཅེས་པ་ཡིན། །བྱེ་བྲག་བདེ་ལ་ལག་པ་གྲུ་མོར་བསྣོལ། །མིག་ཕབ་བདེ་ལ་སེམས་གཟུང་གནད་ཡིན་ནོ།

以下是完整的直譯：

若明執昏沉，則修習清明心，若掉舉散亂，閉目於心間觀想光明、文字、蓮花、寶劍或十字，漸漸下降，

從心間如繩索漸長，觀想落至下方金地基上。此乃必定消除之要訣。自然嗔恨生起時立即安住，

解脫于明空映象智慧中。無念狀態現起時以無執要訣修習。對愚癡之心，認清並仔細觀察，剎那自解脫，法界智慧顯現。

若沉沒昏沉無想時，觀想心間光明從梵穴射出，懸停於一弓高的虛空中。這是甚深要訣的教授。

總之，對任何情況無執著至關重要。離希憂則解脫一切障礙。在空明自心清凈的狀態中，安住心識無散收。

必定解脫障礙和所斷的險阻。下等以行為糾正的次第：從觀想、物質和緣起三者，一般觀想有毗盧遮那七法：

結跏趺坐、眼不動、氣平緩、等持、頸微曲、舌抵上顎、目視鼻尖，以此平衡氣心。無沉掉，生起無錯禪定。

如是一切過失皆因身要紊亂，致脈亂、氣亂、明點亂，故不擾亂諸元素而平等安住至關重要。功德也從脈、明點、氣三者

不動而入要而生，因此了悟此要訣極其重要。瑜伽體操與其他相似，特別是在緩慢柔和不亂的關鍵時刻。

柔中帶剛、剛中帶柔是要訣。適應體質極其重要。特別是，樂時手肘交叉，目視下方專注於樂是要訣。

། གསལ་ལ་ལག་གཉིས་པུས་མོའི་སྟེང་དུ་དགབ། །རླུང་་དལ་མིག་ནི་བར་སྣང་ཧར་པོར་བལྟ། །མི་རྟོག་ཆོས་བདུན་ངང་གར་གནས་པས་འགྲུབ། །རྫས་ནི་དུས་དང་མཐུན་པའི་གནས་དང་གྲོགས། །བཟའ་བཏུང་ལ་སོགས་ཉམས་ལ་གང་ཕན་བསྟེན། །རྟེན་འབྲེལ་ཁམས་འཛག་པ་ལ་གཞོན་ནུ་མས། །བཀལ་བའི་སྐུད་པ་སུམ་སྒྲིལ་སྔགས་བཟླས་ཏེ། །སྐེད་པར་བཏགས་པས་ཐིག་ལེ་བསྲུང་བ་ ཡིན། །རྟོག་པ་འཕྲོ་ན་ཙནྡན་གེ་་སར་དང༌། །ཞུན་ཆེན་རིལ་བུ་བསྟེན་པས་མི་རྟོག་འགྲུབ། །རྨུགས་ན་གུར་གུམ་ག་པུར་བྱང་ཆུབ་སེམས། །རིལ་བུས་ཏིང་འཛིན་འགྲུབ་པར་རྒྱུད་ལས་གསུངས། །བདེ་གསལ་མི་རྟོག་སྐྱོན་མེད་གོང་འཕེལ་བ། །དམིགས་པ་གང་རུང་སེམས་བཟུང་མཆོག་ཏུ་བསྔགས། །དང་པོར་དམིགས་ཡུལ་ལ་གཏད་བསྒོམས་པ་ཡིས། །དེ་རྗེས་དམིགས་མེད་ངང་དུ་ལྷན་གྱིས་འགྲོ། །གནད་འདི་ཤིན་ཏུ་ཡང་ཟབ་མཆོག་ཡིན་པས། །སྐལ་ལྡན་རྣམས་ཀྱིས་དང་དུ་བླང་བར་བྱ། །མཚན་བཅས་ཡིན་ཞེས་སྤང་བ་བླུན་པོའི་ལམ། ། ཉམས་མྱོང་མེད་པའི་ལུགས་ཡིན་དོར་བར་བྱ། །ཁྱད་པར་བདེ་བའི་བོགས་འབྱིན་དམ་པ་ནི། །འོག་རླུང་འཐེན་ལ་གསང་བའི་གནས་ཉིད་ནས། །ཐིག་ལེ་ཡར་ཐིམ་སྤྱི་གཙུག་ཉིད་དུ་ཐིམ། །གང་ཡང་དམིགས་མེད་ངང་ལ་བཞག་པར་ བྱ། །དེ་རྗེས་སྟེང་འོག་ཁ་སྦྱར་རླུང་བཟུང་ལ། །སྙིང་གར་སེམས་གཏད་སྐྱེ་མེད་ངང་ལ་གཞག །བདེ་གསལ་སྤྲོས་བྲལ་ངང་ལ་གནས་པ་ཡིན། །བར་བར་སེང་གེ་རྩལ་སྤྲུགས་ལ་སོགས་པ། །དབབ་བཟློག་དྲང་ཞིང་དགྲམ་དང་ལ་བཟླ་བའི། ། འཁྲུལ་འཁོར་དམིགས་གནད་མཐོང་བ་བརྒྱུད་བཞིན་བྱ། །དབབ་པ་འཁྱུད་བྲིའི་ཕྱག་རྒྱ་ཉིད་དང་ནི། །རོ་སྟོད་སྨད་གསིགས་གནོན་པ་ལྟ་བུར་བྱ། །དམིགས་པ་ཧྃ་ལས་བྱང་སེམས་བབས་པ་ཡིས། །གསང་བར་བྱུང་དུས་བདེ་ལ་དམིགས་པ་གཏད། །བཟློག་པ་དེ་ནས་གྱེན་དུ་དྲངས་པ་སྟེ། ལག་གཉིས་མཁལ་ཁུང་རྒྱ་མཚོ་བྲག་ལ་སྦྱར། །འོད་རླུང་འཐེན་ལ་ལྕེ་རྩེ་རྐན་ལ་སྦྱར། །མིག་སྤྲིན་བཟློག་ཅིང་མགོ་བསྒྲིལ་འདར་བ་བཞིན། །དམིགས་པ་ཐིག་ལེ་བ་ཐག་བརྒྱུས་པ་བཞིན། ། གཅིག་ལ་གཅིག་ཐིམ་སྤྱི་གཙུག་བར་དུ་བསམ། །དགྲམ་པ་གཞུ་འགེངས་རྐང་ལག་རྩལ་སྤྲུགས་བྱ། །སི་ཞེས་ལྕེ་རྩེ་སོ་སྦྱར་རླུང་ཕྱིར་འབུད། །

以下是直譯：兩手清晰地放在膝蓋上。緩慢呼吸，眼睛直視虛空。安住於七種無分別法的狀態中即可成就。藥物應與時間、地點和夥伴相適應。飲食等應選擇有利於修行的。為防止精液流失，少女應將三股線編織成繩，誦咒后繫在腰間。如果妄念紛飛，服用檀香、雞冠花和大融化丸可以達到無分別。如果昏沉，服用藏紅花、樟腦和菩提心丸可以成就禪定，這是經典中所說的。樂、明、無分別無過增上，專注于任何一種觀想是最殊勝的。首先專注于所緣對像修行，之後自然進入無緣的狀態。這個要點極其深奧殊勝，有緣者應當欣然接受。認為有相就應該捨棄是愚人之道，是沒有實修經驗的說法，應當捨棄。特別是提升樂受的殊勝方法是：提升下行氣，從秘密處融化明點上升至頭頂，安住于無緣的狀態中。之後上下氣結合持氣，心專注於心間，安住于無生的狀態。這就是安住於樂明離戲的狀態。間或做獅子伸展等運動，降、逆、引、散和融化的瑜伽運動應按傳承修習。降下時做擁抱印，上身下身搖動如同按壓。觀想從吽字流下菩提心，當到達秘密處時專注於樂受。逆提時向上拉，雙手放在腰窩如海浪拍岸，提升光明氣，舌尖抵上顎，眼睛向上翻，頭部旋轉顫抖。觀想明點如穿線般一個融入一個直至頭頂。散時如拉弓伸展四肢。發出"嘶"聲，舌尖抵牙齒，向外呼氣。

སི་ཞེས་ལྕེ་རྩེ་སོ་སྦྱར་རླུང་ཕྱིར་འབུད། །ལ་བཟླ་གན་རྐྱལ་རླུང་སེམས་སོས་དལ་ལ། །གར་་ཡང་མི་རྟོག་ཅིར་ཡང་མི་འཛིན་པས། ། རང་བཞིན་སྤྲོས་དང་བྲལ་བའི་ངང་ལ་གཞག །འདི་ཡིས་གེགས་མེད་བདེ་ཆེན་བྱང་ཆུབ་འགྲུབ། །གསལ་བ་རླུང་གི་བོགས་འབྱིན་དམ་པ་ཡང༌། །འཇམ་རྩུབ་གཅིག་གིས་གཅིག་གི་བོགས་འབྱིན་ལ། །ཁྱད་པར་ནང་བཟུང་ཕྱིར་བཟུང་གཅིག་གིས་གཅིག། དལ་འཇམ་ཕན་ཚུན་གནད་དང་བསྲེ་བ་གཅེས། །གྲངས་དང་ཁ་དོག་རེག་བྱ་དབྱིབས་ལ་སོགས། །དུ་མའི་ཐབས་ལ་བསླབ་པའང་གསུངས་མོད་ཀྱི། །འདིར་ནི་གཅིག་གིས་ཀུན་འགྲུབ་མན་ངག་ལ། །འདི་ལྟར་བསླལ་པ་གནད་ཀྱི་རྒྱལ་པོ་ཡིན། །ལུས་གནད་ཁྱད་པར་སྔར་བཞིན་ལུས་མི་འགུལ། །རླུང་ནི་ཁ་སྣ་གསུམ་མཉམ་ཤིན་ཏུ་དལ། །ཐ་མལ་རང་གྲོལ་ངང་ལ་ལྷན་གྱིས་གློད། །སེམས་གནད་གང་དུའང་མི་གཟུང་རང་བཞིན་བྱ། །དེ་རྗེས་གན་རྐྱལ་རྐང་ལག་བརྒྱང་བྱས་ཏེ། །ཧ་ཞེས་དྲག་ལ་སེམས་ནི་མཁའ་དཀྱིལ་གཏད། །ཡེང་མེད་སྤྲོ་བསྡུ་བྲལ་བ་ལྷན་ནེར་གཞག །རླུང་སེམས་རང་གྲོལ་གདོད་མའི་ངང་གནས་པ། །གེགས་མེད་ཡོན་ཏན་འཆར་སྒོ་དཔག་ཏུ་མེད། ། ལུས་ཡང་རྒྱུ་བ་མེད་དང་སྤྲོས་པ་ཞི། །སེམས་གསལ་རབ་ཏུ་དངས་ཤིང་མངོན་ཤེས་འཆར། །རྐང་མགྱོགས་འགྲུབ་ཅིང་མདོག་སྣུམ་ཏིང་འཛིན་སྐྱེ། །རླུང་སེམས་དབུ་མར་ཚུད་པའི་རྟགས་རྣམས་འབྱུང༌། །ཡང་ཟབ་གནད་ཀྱི་མཆོག་ཡིན་ཤིན་ཏུ་གསང༌། །མི་རྟོག་ནམ་མཁའ་ལྟ་བུའི་བོགས་འབྱིན་ཡང༌། །ལུས་སེམས་ཁོང་གློད་དམིགས་པ་རྩེ་གཅིག་བཟུང༌། །གཅིག་ལ་མ་ཡེངས་ཅེར་རེ་བལྟས་པ་ཡིས། །རྣམ་རྟོག་གཞན་རྣམས་དེ་ཡི་ངང་ནུབ་སྟེ། །དམིགས་རྟེན་དེ་ལ་རྟོག་པའང་རབ་ཞི་ནས། །སྣང་ལ་དེར་འཛིན་མེད་པའི་རྟོགས་པ་འཆར། །འདི་ནི་གནད་ཡིན་གཞན་་ཡང་འདི་ལྟར་བསླབ། །རེས་འགའ་དམིགས་པ་ཕྱིར་བཟུང་རླུང་ཕུ་ལ། །ཕྱི་རུ་ཅི་གནས་གཞག་པས་མི་རྟོག་སྐྱེ། །རེས་འགའ་ནང་བཟུང་སྟོད་སྨད་གང་རུང་དུ། །དམིགས་རྟེན་གཅིག་ལ་མ་ཡེངས་ཙེན་ནེ་གཞག ། རེས་་འགའ་རྟེན་མེད་ཤེས་པ་རང་ཞིར་གཞག །ཡུལ་སྣང་དེར་འཛིན་མེད་པའི་ངང་ལ་གནས། །འདི་ནི་མི་རྟོག་ཆོས་སྐུའི་དགོངས་པ་སྟེ། །གནད་ལ་བརྟེན་ནས་རང་བྱུང་ཁོང་ནས་འཆར། །

以下是直譯：發出"嘶"聲，舌尖抵牙齒，向外呼氣。融化時仰臥，氣息和心識放鬆緩慢。不執著任何事物，不起任何分別，安住于自然離戲的狀態中。這樣可以無障礙地成就大樂菩提。明晰的殊勝氣功提升法是：柔和與粗猛相互促進，特別是內持和外持相互配合。緩慢柔和地結合要點很重要。雖然也說過學習數量、顏色、觸感、形狀等多種方法，但這裡的一法成就一切的口訣，如此修習是要點之王。身體姿勢如前所述保持不動。氣息從口鼻三處平等極其緩慢。自然放鬆于平常解脫的狀態中。心的要點是不執著任何處，保持自然。之後仰臥伸展四肢，發出"哈"聲，心專注于虛空中心。無散亂地安住于離開收攝的狀態。氣息和心識自解脫，安住于本初狀態。無障礙功德生起之門無量無邊。身體輕盈無動作，戲論平息。心清明極其澄凈，神通顯現。成就快步，膚色光澤，生起禪定。出現氣息和心識入中脈的徵兆。這是極深奧的最勝要點，非常秘密。無分別如虛空的提升法是：身心內放鬆，專注於一點。不散亂地凝視一處，其他妄念融入其中。對所緣對象的分別也完全平息，顯現無執著的證悟。這是要點，其他也應如此修習。有時向外持氣觀想，儘可能長時間保持，生起無分別。有時內持氣，在上身或下身任一處專注於一個所緣不散亂。有時無所緣安住于自然平息的覺知中。安住于對境顯現無執著的狀態。這是無分別法身的密意，依靠要點從內心自然顯現。

གནད་ལ་བརྟེན་ནས་རང་བྱུང་ཁོང་ནས་འཆར། །བདེ་གསལ་མི་རྟོག་སྤྱི་ཡི་བོགས་་འབྱིན་ནི། །ཚོགས་བསགས་སྒྲིབ་སྦྱོང་བསྐྱེད་རྫོགས་བསྒོམས་པ་དང༌། །ལམ་ཟབ་བླ་མའི་རྣལ་འབྱོར་མཆོག་ཏུ་བསྔགས། །འདི་ནི་མཐར་ཐུག་གནད་ཀྱི་གདམས་པ་སྟེ། །སྐལ་བཟང་ཐར་བ་འདོད་པས་དང་དུ་བླང༌། །དེ་ལྟར་བསྒོམས་པས་ཤར་བའི་རྟོགས་པ་ཡང༌། །རོ་མཉམ་གཅིག་སྟེ་ཐ་དད་དུ་མ་མེད། །ཕྱོགས་གསུམ་གཅིག་ཏུ་འདུ་བའི་དོན་ས་དང༌། །ཆུ་བྲན་ཐ་དད་རྒྱ་མཚོར་གཅིག་པ་ལྟར། །བདེ་གསལ་མི་རྟོག་ཐབས་གསུམ་གང་བསྒོམས་ཀྱང༌། །སེམས་ཉིད་མ་སྐྱེས་ནམ་མཁའི་ངང་ཉིད་དུ། །བློ་་ཡི་འཇུག་པ་རབ་ཞི་ཐིམ་པ་ན། །ཡོད་མེད་སྤྲོས་དང་བྲལ་བའི་བྱང་ཆུབ་སེམས། །འོད་གསལ་གཤིས་ཀྱི་ཉི་མ་ཁོང་ནས་འཆར། །གྲུབ་བསལ་་འཕོ་འགྱུར་མེད་པའི་རྟོགས་པ་སྟེ། །མཁའ་མཉམ་བདེ་གཤེགས་སྙིང་པོའི་རང་བཞིན་ནོ།

以下是直譯：依靠要點從內心自然顯現。樂明無分別的共同提升法是：積累資糧、凈除障礙、修習生圓次第，以及深道上師瑜伽最為殊勝。這是究竟的要點教授，具有善緣、希求解脫者應當欣然接受。如此修習所生起的證悟也是一味平等的，沒有多種差別。三方面歸一的意義，如同土地和水滴雖不同但在大海中合為一體。無論修習樂、明、無分別三種方法中的哪一種，當心識融入未生的虛空般本性中，心的活動完全平息時，遠離有無戲論的菩提心，光明本性的太陽從內心升起。這是成就、清凈、不變的證悟，是等同虛空的如來藏自

།དེ་ཚེ་རྩེ་གཅིག་དངས་གསལ་རྙོག་མེད་པ། །ཞི་ལྷག་སྤངས་པའི་བསམ་གཏན་རྒྱ་མཚོ་ལ། །ཕྱོགས་བྲལ་འཛིན་མེད་གཟུགས་བརྙན་རང་བཞིན་མེད། །ཆོས་ཀུན་རྟོགས་པའི་ངོ་བོ་ཟུང་དུ་འབྲེལ། །སྣང་བ་སྒྱུ་འདྲ་སྟོང་པ་དེར་འཛིན་མེད། །ཟུང་འཇུག་དབྱེར་མེད་དགོངས་ཀློང་ཡངས་པ་ནི། །གནད་ལས་བྱུང་བའི་འོད་གསལ་ཁོང་ནས་འཆར། །བླ་མའི་བྱིན་རླབས་རང་བྱུང་ཡེ་ཤེས་ ནི། །ཚིག་དང་བསམ་བརྗོད་འདས་ཚེ་མཐོང་བ་སྟེ། །དེ་ལྟ་བུ་ཉིད་དུས་སུ་མཐོང་བ་ནི། །དུས་གསུམ་དུས་མེད་ཕྱི་ནང་དབྱེ་བསལ་མེད། །ཤེས་རབ་ཕ་རོལ་ཕྱིན་ཡིན་དབུ་མ་སྟེ། །སྤྲོས་དང་སྡུག་བསྔལ་ཞི་བྱེད་ཕྱག་རྒྱ་ཆེ། །སྙིང་པོའི་ཆོས་ཉིད་རྫོགས་པ་ཆེན་པོ་སྟེ། །གདོད་མའི་ཟད་པ་གཤིས་ཀྱི་གནས་ལུགས་ཉིད། །འོད་གསལ་སེམས་ཉིད་རང་བྱུང་ཡེ་ཤེས་ཡིན། །མིང་མང་བཏགས་ཀྱང་དོན་གྱི་ངོ་བོ་གཅིག །སེམས་ཉིད་སྨྲ་བསམ་བརྗོད་འདས་བྱང་ཆུབ་སེམས། །འཁོར་འདས་གཉིས་མེད་ནམ་མཁའ་ལྟ་བུ་ཡིན། །ཕྱོགས་རིས་མ་འཛིན་གྲུབ་མཐའི་གཟེབ་ལས་འདས། །ཕྱོགས་བྲལ་གཉིས་མེད་མཉམ་རྫོགས་ཆེན་པོ་སྟེ། །རྒྱལ་བའི་དགོངས་པ་མཐའ་བྲལ་ཀློང་ཡངས་སུ། །རྣལ་འབྱོར་རྣམས་ཀྱིས་ཡོངས་སུ་ཤེས་པར་བྱ། །དེ་དག་མཐར་ཕྱིན་འབྲས་བུའི་རིམ་པ་ནི། །གནས་སྐབས་བདེ་གསལ་མི་རྟོག་ཟུང་འཇུག་གིས། །སྤྱན་དང་མངོན་ཤེས་ཡོན་ཏན་དཔག་མེད་ཅིང༌། ། མཐར་ཐུག་སྐུ་གསུམ་ཡིད་བཞིན་རྒྱལ་ཆོས་འགྲུབ། །རང་གཞན་དོན་གཉིས་ལྷུན་གྱིས་གྲུབ་པ་ཡིན། །རྫོགས་པ་ཆེན་པོ་བསམ་གཏན་ངལ་གསོ་ལས། །གང་བསྒོམ་པའི་ཏིང་ངེ་་འཛིན་གྱི་རིམ་པ་སྟེ་གནས་གསུམ་པའོ།

以下是直譯：此時一心專注、清明無濁，于捨棄止觀的禪定大海中，離於方向、無有執著、如同影像無自性，諸法證悟的本質相互關聯。顯現如幻，空性無執。雙運不二的廣闊覺悟境界，從要點中生起的光明從內心顯現。上師加持的自生本智，超越言語思維時即可見到。如此見到時，三時無時，內外無別。是般若波羅蜜多，是中觀，是息滅戲論與痛苦的大手印，是本性法界的大圓滿，是本初窮盡的本來狀態。光明心性即是自生本智。雖有多種名稱，實質意義是一。心性超越言說思維的菩提心，是輪迴涅槃不二如虛空。不執著偏見，超越宗派網羅。離於方向、不二、等同圓滿的大法，瑜伽士們應當完全了知佛陀離邊廣闊的密意。這些圓滿的果位次第是：暫時以樂明無分別雙運，獲得無量天眼、神通等功德；究竟成就三身如意王法，自然成就自他二利。這是大圓滿禪定休息中修習三摩地的次第，即第三部分。

། །། དེ་ལྟར་ཆོས་ཚུལ་ཞི་བ་སྙིང་པོའི་དོན། །ཟབ་ཅིང་རྒྱ་ཆེ་བཤད་པའི་བསོད་ནམས་དེས། །འགྲོ་ཀུན་བྱང་ཆུབ་དམ་པ་གཉིས་ཐོབ་ནས། །ཡིད་བཞིན་འཕྲིན་ལས་འབྱོར་པ་མཐའ་ཡས་ཤོག །འདི་ནི་རྒྱལ་སྲས་དྲི་མེད་འོད་ཟེར་གྱིས། །རང་གི་ཉམས་ལེན་གནད་དྲིལ་བཅུད་བསྡུས་ཏེ། །ཕྱི་རབས་དོན་དུ་གསལ་བར་བཤད་པ་ནི། །གངས་རི་ཐོད་དཀར་མགུལ་དུ་ལེགས་པར་བཀོད། །ཐར་པ་འདོད་པ་དག་གིས་བརྩོན་བྱས་ཏེ། །ཡི་གེ་འདི་བཞིན་ཉམས་སུ་བླང་བར་ མཛོད། །གནས་སྐབས་མཐར་ཐུག་དོན་གཉིས་ཕུན་ཚོགས་ཏེ། །བདེ་ཆེན་གླིང་དུ་མྱུར་དུ་དགའ་བདེ་བྱེད། །རྫོགས་པ་ཆེན་པོ་བསམ་གཏན་ངལ་གསོ་ཞེས་བྱ་བ། །དཔལ་ཨོ་རྒྱན་གྱི་སློབ་དཔོན་ཆེན་པོ་མཚོ་སྐྱེས་རྡོ་རྗེས་རྗེས་སུ་བཟུང་བའི་རྣལ་འབྱོར་པ་དྲི་མེད་འོད་ཟེར་གྱིས་གངས་རི་ཐོད་དཀར་གྱི་མགུལ་དུ་ལེགས་པར་བཀོད་པ་རྫོགས་སོ། །དགེའོ། དགེའོ། དགེའོ།

以下是直譯：如是寧靜法門的精要義理，深廣宣說的功德，愿一切眾生獲得殊勝的二種菩提，如意事業圓滿無邊。此乃無垢光尊者將自己的修行要點精華彙集，為後世之人清晰闡述，善書于岡底斯雪山之頸。愿求解脫者精進修持，依此文字實修。愿暫時與究竟二種利益圓滿，速至大樂剎土歡喜安樂。名為《大圓滿禪定休息》的此文，由蒙受蓮花生大士恩澤的瑜伽士無垢光尊者于岡底斯雪山之頸善加撰著圓滿。善哉！善哉！善哉！