L026.048中陰光明開門 c3.5s
༄༅། །གཅོད་ཡུལ་ལས་བར་དོ་འོད་གསལ་སྒོ་འབྱེད་ཅེས་བྱ་བ་བཞུགས་སོ། །
«བར་དོ་འོད་གསལ་སྒོ་འབྱེད་ནི། ཕྲ་རགས་ཐིམས་རྗེས་འོད་གསལ་འཆར་བས་བར་དོ་ཡིན། ཞེས་བྱ་བ་ནི་འཆི་བའི་དུས་སུ་སྲིད་པའི་བར་དོ་ལ་གཅད་པར་བྱ་སྟེ། དེ་ལ་གསུམ། འཆི་ཚུལ་གྱི་རིམ་པ་དང༌། འོད་གསལ་འཆར་བའི་དུས་དང༌། བར་དོར་འཁྱམས་པའི་དུས་དང་ཚུལ། དང་པོ་ནི་ཐིམ་ཚུལ་བཞི་ཡིས་ཐིམ་སྟེ། ཕྱི་དབུགས་ཟད། སྣང་མཆེད་ཐོབ་གསུམ་ཐིམས། ནང་དབུགས་ཆད། ཨ་ཧཾ་འཕྲད་པ་གྱེས་པས་ཟག་བཅས་ཀྱི་བདེ་བ་ཡལ། རྩ་ཁམས་ཡིག་འབྲུ་ཐམས་ཅད་འཁྲུགས་པས་རིག་པ་བརྒྱལ་འགྲོ་བས་ཏེ། དཔེར་ན་ཆུ་རྙོགས་པས་ཆུ་ནང་ཤར་བའི་ཉི་ཟླ་ཡལ་ནས་མི་གསལ་བ་བཞིན་དུ། ཞག་གསུམ་མམ་བཞི་ལྔ་ལ་སོགས་པ་ཅི་རིགས་སུ་བརྒྱལ་འགྲོ། འོད་གསལ་བའི་དུས་ནི། བརྒྱལ་སངས་པའི་རྗེས། ཆུ་དྭངས་པས་ཉི་ཟླ་ཤར་བ་བཞིན་དུ། འོད་གསལ་འཆར་བ་སྟེ། འོད་གསལ་གྱི་ངོ་བོ་ནི། བར་དོའི་དུས་ཕྱག་རྒྱ་ཆེན་པོའི་སྒོམ་སྐྱེ་བ་ཡིན་ཏེ། སྣང་སྟོང་ཟུང་འཇུག །བདེ་སྟོང་དབྱེར་མེད། གསལ་སྟོང་འཛིན་མེད་ཀྱི་དོན་རྒྱུད་ལ་འཆར་བ་ཡིན་ཏེ། དེ་ཁོ་ནའི་ངང་དུ་ཙེན་ནེ་བཞག་པས། སྔར་ནས་ཉམས་ལེན་ཡོད་པའི་གང་ཟག་དེ། སྔར་འདྲིས་ཀྱི་མི་དང་འཕྲད་པ་བཞིན་དུ། དེའི་དུས་སུ་རང་ངོ་ཤེས། རང་དབང་ཐོབ། རང་ས་ཟིན། གཉིས་མེད་ཆོས་ཀྱི་སྐུའི་ངོ་བོར་སངས་རྒྱས་སོ། །» «སྔར་ནས་བསྐྱེད་རིམ་བསྒོམས་པ་ལ་བརྟེན་ནས་ལོངས་སྤྱོད་རྫོགས་པའི་སྐུ་ཐོབ། བྱམས་སྙིང་རྗེ་བསྒོམས་པས་སྤྲུལ་པའི་སྐུ་འབྱུང་སྟེ། སྐུ་གསུམ་ཕྲིན་ལས་དང་བཅས་པ་དེའི་དུས་སུ་ཐོབ་བོ། །གལ་ཏེ་སྔར་གྱི་སྦྱངས་པ་ཆུང་བས། བར་དོ་དང་པོ་ལ་སངས་རྒྱས་མ་ནུས་ན། གཉིས་པ་ལ་མངལ་སྒོ་དགག་པར་བྱ་སྟེ། དེ་ལ་དགག་ཐབས་གསུམ་སྟེ། ལྷ་དང་བླ་མ་བསྒོམས་པས་མངལ་སྒོ་དགག་པ་དང༌། ཆགས་སྡང་རྩད་བཅད་ལ་མངལ་སྒོ་དགག་པ་དང༌། ལས་ཀྱི་རླུང་དམར་ལ་མི་སྐྲག་མི་དངངས་ནས་མངལ་སྒོ་དགག་པའོ།
以下是直譯： 開示"中陰光明開門"之法 "中陰光明開門"是指粗細融化后光明顯現,故為中陰。這是在死亡時斷除有情中陰的方法。其中有三:死亡的過程、光明顯現的時間、中陰漂泊的時間和方式。 首先,融化方式有四種:外呼吸停止;顯、增、得三者融化;內呼吸停止;阿吽分離,有漏樂消失;脈、界、種子字全部混亂,意識昏迷。比如水渾濁時,水中顯現的日月消失而不清晰一樣,昏迷三四五天或適當時間。 光明顯現的時間是:從昏迷中甦醒后,如同水澄清時日月顯現一般,光明顯現。光明的本質是:中陰時生起大手印禪定,即顯空雙運、樂空不二、明空無執的含義在心中顯現。安住于彼本性中,之前有修行的人,如同遇到熟人一般,此時認識自性,獲得自在,安住自處,成佛于無二法身的本質中。 基於之前修習生起次第,獲得圓滿報身;修習慈悲,化身顯現;此時獲得三身及事業。如果因之前修習較少而未能在第一中陰成佛,則應在第二中陰阻止入胎。有三種阻止方法:通過觀想本尊和上師阻止入胎;斷除貪嗔阻止入胎;不懼怕業風而阻止入胎。
།དང་པོ་ནི་མངལ་དུ་འཇུག་པའི་རྒྱུ། རང་གི་རྒྱུད་ལ་ཆགས་སྡང་ཡོད། རྐྱེན་ཕོ་མོ་ཕན་ཚུན་ཆགས་པ་སྤྱོད་པ་ལ་བརྟེན་ནས། མིག་སེར་སྐྱེས་པས་འབྲས་བུ་མོ་ལ་ཆགས་ཤིང༌། ཕོ་ལ་སྡང་བས་བུར་སྐྱེ་ལ། ཕོ་ལ་ཆགས་ཤིང་མོ་ལ་སྡང་ན་མོར་སྐྱེ་བས་ཆགས་པ་སྤྱོད་པ་མཐོང་ཡང༌། གསང་དབང་བསྐུར་བའི་བླ་མ་ཡབ་ཡུམ་དུ་བསྒོམས་ལ་ཆགས་སྡང་སྤང་ངོ༌། །ཆགས་སྡང་རྩད་བཅད་ལ་མངལ་སྒོ་དགག་པ་ནི། ཕྱི་རུ་ཆགས་པ་སྤྱོད་པ་མཐོང་བའི་ཚེ་ནང་དུ་ཆགས་སྡང་སྐྱེ་བས་ཆགས་མཁན་ཆགས་པའི་ངོ་བོ་དེ་ག་ན་འདུག །ཅི་འདྲར་འདུག་བལྟས་པས། ཆགས་པའི་ངོ་བོ་དེ་ཆགས་པ་མེད་པའི་ངང་ལ་བཞག་གོ ། ཆགས་མཁན་སྟོང་ཉིད་དུ་ཤེས་ན། ཆགས་སྡང་རང་གྲོལ་ཏུ་སོང་ནས། མངལ་སྒོ་དགག་པའོ། །ལས་ཀྱི་རླུང་དམར་ལ་མི་སྐྲག་པར་བྱས་ལ་མངལ་སྒོ་དགག་པ་ནི། མངལ་དུ་འཇུག་པའི་བག་ཆགས་ཀྱི་ལུས། རྐྱེན་ལས་ཀྱི་རླུང་དམར། ངོ་བོ་རླུང་དང་བུ་ཡུག་དྲག་ཆར་དང་སེར་བ་དང༌། མེ་འབར་བ་དང༌། ཤྭ་ལོག་དང་རི་གཟར་གྱི་རྦབ་དང་གླང་པོ་ཆེ་སྨྱོན་པ། དམག་དང་རྒྱལ་པོ་འབྱུང་སྙམ་པར་བྱེད་པ་དང༌། དེས་སྐྲག་སྟེ་བྲོས་ནས། གནས་ཁང་ཏུ་ཡིབ་ཏུ་ཕྱིན་སྙམ་བྱེད་པ་ལ་བརྟེན་ནས་མངལ་དུ་ཚུད། དེ་ལ་ལས་ཀྱི་རླུང་དམར་བཅུས་བདས་པའི་དུས་ན། སྔར་གྱི་ལུས་ནི་སྤངས། ཕྱིས་ལུས་ནི་མ་བླངས་ད་ལྟར་གྱི་ལུས་འདི་བག་ཆགས་ཡིད་ཀྱི་ལུས་ཡིན་པས། འདི་ལུས་སུ་སྣང་བ་ཙུག་འདུག་ཀྱང་བདེན་པར་གྲུབ་པ་མེད་པས། འདིར་མེ་དང་ཆུ་ལ་སོགས་པས་གནོད་མི་ནུས། ནང་ན་ལུས་དངོས་པོར་གྲུབ་པ་མེད་ལ། ཕྱི་ནས་ལས་ཀྱི་རླུང་བཅུ་བདེན་པར་གྲུབ་པར་མེད་པར། འདི་ཀ་ལ་གཅོད་བྱ་དགོས་པ་ཡིན་སྙམ་པར་བྱ། བརྟགས་ཚན་བསྐྱེད་ནས་བསྡད་པས། དེ་ཐམས་ཅད་བདེན་པར་གྲུབ་པ་མེད། སེམས་ཀྱི་ཚུལ་ཡིན་པས། རང་ཡལ་ཏུ་འགྲོའོ། ། བར་དོར་འཁྱམས་པའི་ཚུལ་ནི། ཐ་མལ་པའི་བར་དོ་དང༌། རྣལ་འབྱོར་པའི་བར་དོ་གཉིས་ལས། དང་པོ་ནི། ཡུན་རིང་ཤོས་ཞག་བཞི་བཅུ་ཞེ་དགུའི་བར་ལ། བག་ཆགས་ཡིད་ཀྱི་ལུས་མཚན་ཉིད་དྲུག་དང་ལྡན་པར་བཟུང་ནས་བདེ་སྡུག་སྣ་ཚོགས་ལ་སྤྱོད་པའོ། །རྣལ་འབྱོར་པའི་བར་དོ་ནི། གདམས་ངག་ཡོད་པས་མངལ་ཁ་བཟང་པོར་འདམས་པར་བྱ་སྟེ། སྔར་གྱི་རླུང་བཅུ་པོ་གང་ཡང་རུང་བས་བདས་པའི་ཚེ། ཡིབ་ས་སོ་སོར་འདམས་པ་གལ་ཆེ་སྟེ། དེ་ཡང་ངམ་ཕུག་དང༌། གཅོང་རོང་དང༌། གཡང་ས་དང༌། གཏིང་རིང་དུ་ཡིབ་པ་སྙམ་བྱེད་ན། ཁྱི་དང་ཕག་ལ་སོགས་པ་དུད་འགྲོའི་མངལ་དུ་སྐྱེའོ།
以下是直譯： 首先，入胎的因是：自己心中有貪嗔，緣于男女相互行淫。因嫉妒而生，貪戀女子厭惡男子則投生為男；貪戀男子厭惡女子則投生為女。即使看到交合，也應觀想為灌頂上師父母，斷除貪嗔。 斷除貪嗔以阻止入胎是：當外在看到交合時，內心生起貪嗔，應觀察貪戀者貪戀的本質在哪裡，是什麼樣子。觀察后，將貪戀的本質安置於無貪的狀態中。若知貪戀者為空性，貪嗔自解，即可阻止入胎。 不懼業風以阻止入胎是：入胎的習氣身，緣于業風，本質如風暴、暴雨、冰雹、烈火、山崩、瘋象、戰爭或國王出現。因恐懼而逃跑，想躲入住所，從而入胎。當十種業風追逐時，應想：已捨棄前身，未得後身，現在這個習氣意身雖顯為身體，卻無實質，故火水等不能傷害。內無實質身，外無實在業風，應於此斷除。保持警惕，知一切無實質，皆為心的顯現，自然消融。 中陰漂泊的方式有凡夫中陰和瑜伽士中陰兩種。首先，凡夫中陰最長持續四十九天，執著具六種特徵的習氣意身，經歷種種苦樂。瑜伽士中陰則因有教授而能選擇良好胎門。當之前提到的十種業風任何一種追逐時，選擇藏身之處很重要。如果想藏在山洞、深谷、懸崖或深處，將投生為狗、豬等畜生。
།རྩ་དང་སྤང་དང་ལོ་མའི་སྤྱིལ་པོར་ཡིབ་ན་མི་ལུས་ཐོབ་ཀྱང་ལུས་ངན་དུ་སྐྱེའོ། ། ཁང་བཟང་དང༌། སྤང་ཁང་དང༌། རྟེན་གྱི་དྲུང་དུ་ཡིབ་སྙམ་བྱེད་ན། རྒྱལ་རིགས། རྗེ་རིགས། བྲམ་ཟེའི་རིགས་སུ་སྐྱེའོ། །གཙུག་ལག་ཁང་དང༌། ལྷ་ཁང་དང༌། རྟེན་གྱི་དྲུང་དུ་ཡིབ་སྙམ་བྱེད་ན། དགེ་བའི་བཤེས་གཉེན་དང༌། ཆོས་མཛད་དང༌། ཆོས་དང་ལྡན་པའི་རིགས་ཀྱི་མངལ་དུ་སྐྱེའོ། །དེ་རྣམས་འདམས་པར་བྱའོ། །ཉིན་མོ་སྒྱུ་ལུས་མ་འབྱོངས་ཤིང༌། མཚན་མོ་རྨི་ལམ་མ་འབྱོངས་ན། བར་དོར་འོད་གསལ་མི་འབྱོངས་པས། དང་པོ་རང་དུ་འཕོ་བར་བྱའོ་གསུངས། རྫོགས་སོ།། དགེའོ།
以下是直譯： 如果想藏在草叢、草地或樹葉棚中，雖能得人身但會生於低賤之處。 如果想藏在華麗房屋、草房或聖像前，將投生為王族、貴族或婆羅門種姓。 如果想藏在寺院、神殿或聖像前，將投生為善知識、修行人或具有正法的家庭。 應當選擇這些。 若白天未熟練幻身，夜晚未熟練夢境，則中陰時無法熟練光明，所以應當首先修習遷識法。 完畢。善哉。